فضاء الإبداع

هذا فضاء للجميع فدعونا نحلق معا في أفق الإبداع
 
الرئيسيةالبوابةس .و .جبحـثالتسجيلدخول

شاطر | 
 

 إيه دخـّـل إسمك فى الموضوع دلوقت ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أشرف الشافعى

avatar

عدد الرسائل : 10
العمر : 50
الجنسية : مصرى
تاريخ التسجيل : 28/05/2008

مُساهمةموضوع: إيه دخـّـل إسمك فى الموضوع دلوقت ؟   الثلاثاء 30 سبتمبر 2008, 12:59 am

إلى الشاعر والناقد السكندرى الراحل / صابر فرج

الذى وافته المنية فى مساء السبت 27/9/2008 الموافق 27 من رمضان 1429


[or=brown]
إيه دخّل إسمك فى الموضوع دلوقت ؟
[/color]
[24]
شوفت ازاى
مابقاش يجمعناغير سيرة الموت
شوفت ازاى الدنيا غريبة أوى
دلوقتى عرفت انا ليه ماقدرتش اقولك حاجة
واتسمرت مكانى ...
وانت بتدى الخمسة جنيه للقهوجى آخر مرة
وبتضحك وتقولى وانا قايم احاسب
: مايصحش عيييييب
دلوقتى فهمت انا ليه ماحاسبتش قبلك
فاكر لما واعدتك اجيلك ويا ( حسام )** وماجتش
طبعا ً مانا كان لازم مااجيلكش
طب كنت حارد لمين الكتب اللى حاخدها
والدراسات اللى انت مجمعهالى على جاهين ؟
كان لازم حاجة تعطلنى
أصلى ماكنتش حااستحمل اشوفهم
قاعدين من غيرك بيبصولى
وانا متذنب قدامهم مش عارف اوديهم فين
ياااااااااااااااه
ده اتارى مش بس الغربة اللى بتدبحنا ياعم !!
ده كمان سكينة الموت ف الغربة فظيعة بشكل !!
دانا لسه يادوبك من ساعتين مفتكرك
وانا باستغرب وباقول :
ايه اللى مخلى ( حسام ) بيواظب على مواعيدك للدرجة دى؟
الواد ده عجيب بصحيح
غاوى تمللى يروح للحتت اللى احنا مابنشوفهاش
مش بس ف شعره وحزنه وريحة الموت اللى مصاحبه عينيه
لأ دا كمان فى قراية قلب الناس من جوة
يخرب عقلك (ياحسام )
والله آمنت ان انت رفاعى بجد
طب عارف وحياة المصحف
انا اول مافتحت الصفحة بتاعة ( شوكت ) خفت
مخى ركب طيارة من الرعب وراح لبعيد
كنت مفكر ..........
.....................
لكن اول ما قريت النعى شهقت
إيه دخّـل إسمك فى الموضوع دلوقت ؟
سبحان الله
بقى شوكت هو اللى بيكتب نعيك وانت هناك ؟
هى بتعمل كده ليه ويانا الدنيا دى؟
شوف احنا قعدنا بندعى لشوكت
وبنتخيل شكله و نتكلم عنه ازاى
طب ايه رايك اول ماقريت النعى انا شوفته بجد
كان بيعيط والله
وبينده على ( كرسيك الوحدانى ) ***
يتلقى العزا وياه
ليه كنت ُمصمم رغم الزعل اللى مابينا
تاخد سيرتى وبياناتى وتكتبها بخطك
على ضهر ديوانى ؟
دلوقتى فهمت
طبعاً ....
أمال كان مين حيكمل غيرك يعنى الببلوجرافيا ؟
بس ياترى لو نزل الجزء التانى
حيلحق ( مافيهاش كوابيس )
يغريك تديله مسافة فى روحك
ويقولك على اللى انا ماقدرتش اقولهولك
وانا باشرب أخر كباية شاى وياك
أيوة ....
اتاريك كنت بتستعجل علشان تلحق ليلة القدر
إيه ...
هو انت صحيح صدقت انك مت ؟
ماتصلى على اللى حيشفع فيك ُأمال
هو انت بتنسى كلامك

* (اقعد ف ريح قبرى
عدد على الأحياء
وسيب الميتين
دا الحى ميت ؛
واللى ماتارتاح )
........................
...........................
فاكر ولا نسيت ؟
* ( فا عشان تعيش
لازم تموت
وان متكون عالى الجبين
ماتموتش محنى القامه
وافردها )
لو بس اعرف ...
كنت إتاخرت شوية وأجلت ميعاد الطيارة
كنت اتسندت على( الكرسى الوحدانى ) وجيتلك
علشان اقدر اشوف ولأخر مرة
( الفراديس ) ف عينيك
إيه ... حتعيش الدور إياك
أرجوك انا مش ناقص دلوقتى هزارك
خليك مستنى ( حسام ) ع القهوة
وسيبنى وانا مسافر
اشوف اللى انت كتبته على امبارح .
*( وسع ياواد لأمبارح الطيب
جايلك يعزى
والعزا واجب)
).
)


جدة
29/9/2008

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* مابين الاقواس من أشعار الشاعر الراحل / صابر فرج
** حسام حسين صديق الشاعر الراحل
*** من قصيدة للشاعر الراحل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shaffey.maktoobblog.com/
صبري رضوان
مشرف قسم خواطر شعرية وقصصية
avatar

عدد الرسائل : 84
العمر : 50
الجنسية : مصري
تاريخ التسجيل : 31/05/2008

مُساهمةموضوع: رد: إيه دخـّـل إسمك فى الموضوع دلوقت ؟   الثلاثاء 30 سبتمبر 2008, 1:46 am

الشاعر الجميل اشرف الشافعي
نص رائع يستحق ان نقراه مرات ومرات حتي نتوقف علي عطاءات هؤلاء اللذين يرحلون فجاة فيسرقون ابتساماتنا ويهربون بقلوبنا التي حفظت قسماتهم
قصائدهم لن تموت
لذلك هم احياء بيننا علي المقهي وفي امسياتنا
بل في انفاسنا
ورحم الله الشاعر والناقد صابر فرج الذي لا اعرفه لكنه لا يختلف بالقطع عم محمد عبد المعطي الذي رحل ايضا وكان يحفظنا ونحفظه
تحياتي اشرف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أشرف الشافعى

avatar

عدد الرسائل : 10
العمر : 50
الجنسية : مصرى
تاريخ التسجيل : 28/05/2008

مُساهمةموضوع: الشكر الجزيل لك أ. صبرى   الثلاثاء 30 سبتمبر 2008, 3:54 pm

صبري رضوان كتب:
الشاعر الجميل اشرف الشافعي
نص رائع يستحق ان نقراه مرات ومرات حتي نتوقف علي عطاءات هؤلاء اللذين يرحلون فجاة فيسرقون ابتساماتنا ويهربون بقلوبنا التي حفظت قسماتهم
قصائدهم لن تموت
لذلك هم احياء بيننا علي المقهي وفي امسياتنا
بل في انفاسنا
ورحم الله الشاعر والناقد صابر فرج الذي لا اعرفه لكنه لا يختلف بالقطع عم محمد عبد المعطي الذي رحل ايضا وكان يحفظنا ونحفظه
تحياتي اشرف

أخى الحبيب صبرى رضوان
كل عام وانت بكل الخير
ورحم الله الشاعر الكبير صابر فرج والحبيب الدمث محمد عبد المعطى وجعل اللهم مافعلوه وكتبوه فى ميزان حسناتهم
هكذا هى الدنيا تاخذ منا من نحبهم ونجلهم ونأنس بوجودهم وتوهجهم
اشكرك اخى الكريم على تواصلك الراقى وعلى إطرائك على نصى المتواضع وإن كان حقاً يستحق ما قلت فذلك لان من كُتب له يستحق ذلك وأكثر
تحياتى اخى الحبيب ومودتى
أخوك أشرف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shaffey.maktoobblog.com/
رشا صابر

avatar

عدد الرسائل : 379
العمر : 34
الجنسية : مصرية
تاريخ التسجيل : 04/07/2008

مُساهمةموضوع: رد: إيه دخـّـل إسمك فى الموضوع دلوقت ؟   الأربعاء 01 أكتوبر 2008, 1:39 pm

جميلة واحساسها عالي اوي يا أستاذ أشرف
بشكرك جدا على استمتاعنا بيها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أشرف الشافعى

avatar

عدد الرسائل : 10
العمر : 50
الجنسية : مصرى
تاريخ التسجيل : 28/05/2008

مُساهمةموضوع: اشكرك   الأربعاء 01 أكتوبر 2008, 10:07 pm

رشا صابر كتب:
جميلة واحساسها عالي اوي يا أستاذ أشرف
بشكرك جدا على استمتاعنا بيها

أشكرك اخت رشا على مداخلتك وتعليقك
والمتعة لى أنا بتواصلك الرقيق
مع خالص مودتى وتقديرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shaffey.maktoobblog.com/
هبة اسامة
مشرف قسم مبدعون تحدوا القيود
avatar

عدد الرسائل : 372
العمر : 33
الجنسية : مصرية
تاريخ التسجيل : 15/08/2008

مُساهمةموضوع: رد: إيه دخـّـل إسمك فى الموضوع دلوقت ؟   الأربعاء 01 أكتوبر 2008, 10:20 pm

جميلة استاذ اشرف
تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دكتور : محمد ربيع هاشم
Admin
avatar

عدد الرسائل : 1663
العمر : 47
الجنسية : مصر
تاريخ التسجيل : 12/05/2008

مُساهمةموضوع: رد: إيه دخـّـل إسمك فى الموضوع دلوقت ؟   الخميس 02 أكتوبر 2008, 11:15 pm

الشاعر أشرف الشافعي
نص مملوء بشحنة نفسية هائلة ، دقيق في التعبير عما يؤرق النفس عند الإحساس بالفقد ، يعتمد على لغة بسيطة مملوءة بدلالات متشعبة تلملم من النفس نواحها وانكسارها ، وتسير في إشارات مباشرة نحو الارتباط بالفقد ، وذكريات الشاعر المهدىإليه النص
هو نص في تصوري جنائزي مملوء بقوة تأثير وجدانية عالية نجحت في استنطاق المتلقي وكسب تعاطفه الشديد وهذا يحسب بشدة للنص.
رحم الله الفقيد ، وشكرا لك لاستمتاعنا بنص رائع ووفاء عظيم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://poems.mam9.com
آسيا خليل
مشرف قسم الرواد
avatar

عدد الرسائل : 195
العمر : 47
الجنسية : سورية
تاريخ التسجيل : 13/05/2008

مُساهمةموضوع: رد: إيه دخـّـل إسمك فى الموضوع دلوقت ؟   السبت 04 أكتوبر 2008, 2:27 am

الشاعر الأستاذ أشرف
دفقة شعورية صادقة
نص يكتنفه الحزن ينثال كما تنثال غيمة الحزن في الاعماق
تحياتي وتقديري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أشرف الشافعى

avatar

عدد الرسائل : 10
العمر : 50
الجنسية : مصرى
تاريخ التسجيل : 28/05/2008

مُساهمةموضوع: خالص شكرى   الأحد 05 أكتوبر 2008, 12:30 am

هبة اسامة كتب:
جميلة استاذ اشرف
تحياتى

الاخت الفاضلة الأستاذة هبة
اشكرك لمرورك الرقيق
وتقبلى تقديرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shaffey.maktoobblog.com/
أشرف الشافعى

avatar

عدد الرسائل : 10
العمر : 50
الجنسية : مصرى
تاريخ التسجيل : 28/05/2008

مُساهمةموضوع: رد: إيه دخـّـل إسمك فى الموضوع دلوقت ؟   الأحد 05 أكتوبر 2008, 12:41 am

دكتور : محمد ربيع هاشم كتب:
الشاعر أشرف الشافعي
نص مملوء بشحنة نفسية هائلة ، دقيق في التعبير عما يؤرق النفس عند الإحساس بالفقد ، يعتمد على لغة بسيطة مملوءة بدلالات متشعبة تلملم من النفس نواحها وانكسارها ، وتسير في إشارات مباشرة نحو الارتباط بالفقد ، وذكريات الشاعر المهدىإليه النص
هو نص في تصوري جنائزي مملوء بقوة تأثير وجدانية عالية نجحت في استنطاق المتلقي وكسب تعاطفه الشديد وهذا يحسب بشدة للنص.
رحم الله الفقيد ، وشكرا لك لاستمتاعنا بنص رائع ووفاء عظيم

الدكتور الحبيب محمد ربيع هاشم
هذه شهادة من ناقد وشاعر أحترم قلمه صاحب رؤية أراها دئماً موضوعية تسلك فى كل ما قرات لك مسلك متوازن فى التلقى بعيداً عن المجاملات وبعيداً عن التهور النقدى ..لى ان افخر بنصى هذا ليس لجودته أو تميزه ولكن لأنه نال إعجابك وحرضك على ان تدلى بهذا الرأى الذى اضاف للنص بالتاكيد جمالاً وبهاءً ورونق
خالص شكرى ومودتى وتقديرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shaffey.maktoobblog.com/
أشرف الشافعى

avatar

عدد الرسائل : 10
العمر : 50
الجنسية : مصرى
تاريخ التسجيل : 28/05/2008

مُساهمةموضوع: رد: إيه دخـّـل إسمك فى الموضوع دلوقت ؟   الأحد 05 أكتوبر 2008, 12:45 am

آسيا خليل كتب:
الشاعر الأستاذ أشرف
دفقة شعورية صادقة
نص يكتنفه الحزن ينثال كما تنثال غيمة الحزن في الاعماق
تحياتي وتقديري

الشاعرة الجميلة آسيا خليل
شكراً لتعليقك الرقيق وأرجوا ان اظل عند حسن ظنك دائماً
مع خالص تقديرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shaffey.maktoobblog.com/
رامي نور
مشرف قسم نصوص أدبية


عدد الرسائل : 265
العمر : 39
الجنسية : سوري
تاريخ التسجيل : 13/06/2008

مُساهمةموضوع: رد: إيه دخـّـل إسمك فى الموضوع دلوقت ؟   الأحد 05 أكتوبر 2008, 3:10 am

جميل للغاية
مودتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
إيه دخـّـل إسمك فى الموضوع دلوقت ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فضاء الإبداع :: شعر العامية-
انتقل الى: