فضاء الإبداع

هذا فضاء للجميع فدعونا نحلق معا في أفق الإبداع
 
الرئيسيةالبوابةس .و .جبحـثالتسجيلدخول

شاطر | 
 

 عن واحد فاتح قلبه سبيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نادي حافظ

avatar

عدد الرسائل : 18
العمر : 47
الجنسية : مصري
تاريخ التسجيل : 07/08/2008

مُساهمةموضوع: عن واحد فاتح قلبه سبيل   الثلاثاء 07 أكتوبر 2008, 5:00 pm

إيه يعني
لما تموت م الضحك حبيبتك
على خيبتك
طبعا مش هياكلها الدود ليسخسخ
مع إنك هتموت قبليها
والدود مستنيك لمّا تشرّف
وحبيبتك غرقانة ف دمك

*******
إيه يعني
لمّا تموت ف النوم
ويصحوك بالطبل البلدي
كأنك أول مرة تموت
ف بلاد بايعاك وبايعها
وبتحلف بالختمة
إنك مش بتحب عليها سواها
كل يومين
رغم إنك متأكد
إن غرامك فيها شوارع وقهاوي
وأحلام ومواجع بتقلبها
ف كباية الشاي الصبح يوماتي
وبتشرب

********
إيه يعني
لو مالقتش حبيبتك مستنياك
تحت المطرة برعشة وخوف
وشوية ترمس
من حقك تزعل وتدوّر وشّك
على أول بلكونة بتفتح شيشها
وتطلع واحدة تلم غسيلها المبلول
بإدين عريانة بتلمع ف النور
لكن مش من حقك ترفع إيدك
وتصد المطر الدافي
عن وشّك

********
إيه يعني
لو قمت من النوم الصبح
مالكشي مزاج للشغل
لأنك ماحلمتش من شهرين
بطلوع النخل وبركوب الخيل
فكّر بس ساعتها
إنك مسكون بالعصافير والنحل
ولابد تغني أغنية
لأول مرة تقولها لنفسك
عن واحد محبوب من طوب الأرض
وقلبه اتوزّع عالأحباب
وعايش دلوقتي من غير قلب

*******
إيه يعني
لو حاوطوك الخونة ف كل مكان
في الشغل
وفي البيت
وقالوا عليك اللي ما يتقال ف الخمر
طنشهم واحد واحد
واعزمهم واحد واحد
على شاي
و"اتجبى" عليهم
انت أحسن منهم
وبتملك قلب ينور ف العتمة
لكل الضالين
إيه يعني
صلي بهم مرة
وهايتوبوا معاك

********
إيه يعني
لو قالوا عليك مجنون
ومخاوي عروسة البحر
وعندك جن مصوّر
بيحلي كلامك وسكاتك
ويرش السكر على كل عمايلك
إيه يعني
ماعرفوش إنك سيد نفسك
ف قبيلتك
وبتصحى الصبح يوماتي
وتغسل قلبك م العتمة
بحليب الشمس
وبتسمي وتطلع على باب الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هبة اسامة
مشرف قسم مبدعون تحدوا القيود
avatar

عدد الرسائل : 372
العمر : 33
الجنسية : مصرية
تاريخ التسجيل : 15/08/2008

مُساهمةموضوع: رد: عن واحد فاتح قلبه سبيل   الثلاثاء 07 أكتوبر 2008, 10:39 pm

مررت من هنا واسعندى قرائة القصيدة

مودتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد حسني إبراهيم
مشرف قسم شعر العامية
avatar

عدد الرسائل : 358
العمر : 52
الجنسية : مصر
تاريخ التسجيل : 12/05/2008

مُساهمةموضوع: رد: عن واحد فاتح قلبه سبيل   الأربعاء 08 أكتوبر 2008, 8:43 pm

ايه يعنى
تطرح اسئله كثيره بطرق متعدده لنص يفتح زوايا مختلفه
وببساطه شديده لكنها موجعه نتخيل ان السؤال ليس له جدوى لكنه يحمل الكثير من التآويل
بعد انتهاء الاستعجاب
ايه يعنى؟؟؟؟؟؟؟؟؟؟؟
ليدخل مع كل مره زاويه مختلفه عن الاخرى ليواجهه بخيانه اخرى على مستوى المعنى
وينحاز لنفسه متماسمك ليكمل طريقه ويقنع نفسه بآن كل تلك الجروح ماهى الا مجرد اسئله
يرميها لنفسه ليعود بالرد الموجع الغير مباشر كما قلنا
لك تحياتى نااااااااااادى على كل هذا الوجع الجميل
ايه يعنى ما انت شاعر كويس
ولك حبى
ايه يعنى ما انت صاحبى
مودتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aboonoor64.jeeran.com/
رشا صابر

avatar

عدد الرسائل : 379
العمر : 34
الجنسية : مصرية
تاريخ التسجيل : 04/07/2008

مُساهمةموضوع: رد: عن واحد فاتح قلبه سبيل   الخميس 09 أكتوبر 2008, 11:54 am

استاذ نادي
قصيدة جميلة جدا ، بشكرك عليها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
george fakhry
مشرف قسم الفن التشكيلي
avatar

عدد الرسائل : 185
العمر : 63
الجنسية : مصر
تاريخ التسجيل : 17/05/2008

مُساهمةموضوع: رد: عن واحد فاتح قلبه سبيل   الخميس 16 أكتوبر 2008, 4:53 am

عن واحد فاتح قلبه سبيل
كلنا ها نعدى ونشرب منه
تحياتى لكلماتك الرشيقة
بس ماتقطعش عنا الميه

_________________
قد أختلف معك فى الرأى ولكنى
مستعد لدفع حياتى ثمنا لحقك فى ابداء رأيك فولتير
جورج فخرى
georgefakhry54@gmail.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://community.webshots.com/user/george_fakhry
 
عن واحد فاتح قلبه سبيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فضاء الإبداع :: شعر العامية-
انتقل الى: