( كـان طيــب )
للشاعر عبدالحميد أحمد على
---------------------------------
كان ودى أقاسمك أحزانك
وأشاركك فى النص الثانى
تتسحب منى وتسرق كل الكلام
حكيناه عن حلم أمبارح
أنا سارح مع كل سوارد روحى
ال..كارهة الشمس "ف"عز أمشير
تباشير الصبح الطالة"ف"عينى
تخرم سقف الحيل المهدود
إحساس بيموت جواى
مع طلعة شمس ال...بكره
الفكرة الدايره بتكره شكل الموت
شبيك لبيك/أنا ملكك
ومتبت فى أيديك
دون أسمى "ف"دفتر أشعارك
ونهارك لو طال.. اشطب
آخر معنى كتبته
بروز صورة الحلم لوحدك
راح أعاندك/لو تسرق
منى الفكرة ال... شاغله دماغى
ارحل لبلاد الله الواسعة
الضيقة "ف"عينى /تنادينى
وبتضغط على كفى الدبلان
وعروقى النافره من تحت الجلد
لون بعينيك/شكل المادنة
الشاهدة على كل صلاة
الله-يا حسن-على ريحه
وشك/لما بتدخل انفاسى
صورتك ملزوقة
فى حيطان البيت
كل ما أشوفها دمى
بيغلى فى طاسة زيت
ان عازه البيت"يا حسن" يحرم
على كل الناس إلاك .
......
موضوع: كان طيب / للشاعر عبدالحميد أحمد على 
السبت 25 أكتوبر 2008, 3:23 am
