فضاء الإبداع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

فضاء الإبداع

هذا فضاء للجميع فدعونا نحلق معا في أفق الإبداع
 
الرئيسيةالبوابةأحدث الصورالتسجيلدخول

 

 صياد نعام مول الكلام

اذهب الى الأسفل 
كاتب الموضوعرسالة
عبدو دهمان




عدد الرسائل : 11
العمر : 59
الجنسية : مغربي
تاريخ التسجيل : 23/12/2008

صياد نعام مول الكلام Empty
مُساهمةموضوع: صياد نعام مول الكلام   صياد نعام مول الكلام I_icon_minitimeالجمعة 26 ديسمبر 2008, 12:42 am

صياد نعام مول الكلام

جيتك من قلب الف ليلة و ليلة
على بساط الريح نطوي لغمام
جيتك قطرة من سحابة ولادة
حاملة شتاها على ظهور ليام
°°°°°°°°°°°°°°
جيتك من بطن حوت العهد البالي
جيتك من السند و الهند
بلسان السندباد الراوي
حامل الف حكاية و حكاية
وكل حكاية تولد مواج
وحدة تنسيني هم سعدي للي عواج
وحدة تزيد غمي و بكاي
و الحكاية تنطق المرايا
جيتك بحار نقذف ف مواج البحور
ناوي نخلي يام زمان تبور
ونبدا صفحة جديدة كلها نور
°°°°°°°°°°°°°°°°°°
طليت على مراية زماني
بان لي على راسو جرح دامي
مكبد مداد تفوارو باقي حامي
خوفنا العباد و بالدم المكبد
و بالمداد المفور كتبنا كيف
رشق لينا تاريخ البلاد
وهكذا دازت يامهم سواد ف سواد
وبقات رحلة السندباد ريح
تعصف ف شعاب الواد
وتهز الخيام وتلف الوتاد
°°°°°°°°°°°°°°°°°°°°
جيتك من جوف الوقت الحامي
جيتك شهرزاد قصيدة
و شهريار لسان نسوانو
يدخل كل ليلة بهمة
ويصبح طايح لو سروالو
وحيلة شهرزاد تمنعو
ما ينفذ للي ف بالو
يكره نفسو و ينوي يهجر وكارو
و بسكوت شهرزاد ينعس
الفروج ف حجر شهريار بلا ما يقاقي
و تصبح شهرزاد قدام المرايا كتماكي
وبعد شهر ناقص........وقرن و ميلاد
جديد ؟........جانا بلا ميعاد
من ثقوب الغربال طلعت شهرزاد
مداح يصول و يجول ف البلاد
تفتح كتاب المعاني
وتجعل تاريخ الكلام اماني
وتجينا قلام ف صفة بشار
فصيح من بن هاني
°°°°°°°°°°°°°°°°°°°
كالت:.............. ما بقى قلام
ما بقى مــــــــــــــــــداد
بعد ما صبح الطالب عود ملجم
ما بقات فيه نفخة
................ما بقى جافل حران
°°°°°°°°°°°°°°°°°°°°°°°
او جاتنا شهرزاد خرى
ف تاريخ الفضايح تقرا
جاتنا ضبرة نابتة على ظهر هذ الجيل
توزع بنيابها مصارن لوجورنال
و نيشان و تيل كيل
تدق اليوم على مول لقلام بالمكر
تشربو كاس التبهديل
وتكلسو على شوك الصبار
تغزل خيوط الكلام على سيف بتار
وتزرعو ف قلب تاريخنا
جمرة يشخد بها لهيب العار
°°°°°°°°°°°°°°°°°°°°°
فكر شهريار ف شي تخريجة
تكــــــــــــــــون لو نتيجة
فكر ف شي صيدة بلا نبلة
يكون فيها عنتر المعاني
تجيه القوافي عبلة
و يكون بن شداد زماني
°°°°°°°°°°°°°°°°°
حط القلم و الدواية
لقى الصمق داب
وفتح دفوف الكتاب
لقى حروفو منقطة كحل من الغراب
سطور مخبلة ف كبة من سراب
°°°°°°°°°°°°°°°°
و نزل من السما السابعة صوت خفاق
نفخ نفخة هزت البواق
وبرح البراح ف كل السواق
طاح الميزان وطاروا الصروف
و على صوت البراح دزو الخروف
حاكموا الورقة و القلام وتيتموا الحروف
بانت لي الميم...........معلقة ف شوك السدرة
والسين............روح ف جوف البدرة
و الليف علام واقف.........سيف جارح ف سوق الهضرة
والهمزة ثمرة............يمكن جمرة ف حلق النفاخ
رنة صادقة .............تحيي لدواق
وصبحت قضية المساء.........غمزة للفاهم
نغزة شوكة ف حلق اللجام
صياد نعام مول الكلام
للي تابعو......
ديما ديما........لابسو.......
مضايقو.........
ملاحقو.........
سنين عالدوام. الخميسات 07/11/2008
دهمان عبدوس
الرجوع الى أعلى الصفحة اذهب الى الأسفل
 
صياد نعام مول الكلام
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
فضاء الإبداع :: شعر العامية-
انتقل الى: