فضاء الإبداع

هذا فضاء للجميع فدعونا نحلق معا في أفق الإبداع
 
الرئيسيةالبوابةس .و .جبحـثالتسجيلدخول

شاطر | 
 

 صوتك ملايكة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دكتور : محمد ربيع هاشم
Admin
avatar

عدد الرسائل : 1663
العمر : 47
الجنسية : مصر
تاريخ التسجيل : 12/05/2008

مُساهمةموضوع: صوتك ملايكة   الإثنين 30 مارس 2015, 2:35 pm

صوتك ملايكة بيهمسوا ف قلبي
وقلبك جوة روحي
حاضن الفرحة
يا بنت طالة من عيون الصبح راسمة في المدى
أحلام
ساعة متيجي ضحكتك تلمس عيوني
تلتقي حضن السما
مفتوح يضم القلب
يتوحد فينبض رعشة مجنونة
يرتل حبنا شوق
يرتجل بين المسافة
حلمنا
أنا يوم لقانا بحسبه عيد
والخطوة بينا تفرش المواعيد
بالحضن والتوهة
قلبك وقلبي موصولين
إيدي ف إيدك مشبوكين
روحي وروحك جنتين
حضني وحضنك قبلة للشوق والحنين
ساعة لقانا لو تعدي
فوق شواشي النخل تهدي
طرح معسول
بس اقول يا وردتي
حبك سكن
وانتي الوطن
مكتوب على بابه الأمان
والعشق لو طال البدن يخلق مكان
يفتح بيبان
ويدوب أوي
عاشقك أوي
والانتظار طول أوي
يمكن عشان فرحة لقانا قربت
الدنيا مبدورة سكوت
تستنى لحظة تضمنا
واللحظة مش ممكن تفوت
من غير براح
يفتح جناح الحب
بينا ويبتسم
فنطير بلحظتنا
بفرحتنا
سوا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://poems.mam9.com
 
صوتك ملايكة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فضاء الإبداع :: شعر العامية-
انتقل الى: