صوتك ملايكة بيهمسوا ف قلبي
وقلبك جوة روحي
حاضن الفرحة
يا بنت طالة من عيون الصبح راسمة في المدى
أحلام
ساعة متيجي ضحكتك تلمس عيوني
تلتقي حضن السما
مفتوح يضم القلب
يتوحد فينبض رعشة مجنونة
يرتل حبنا شوق
يرتجل بين المسافة
حلمنا
أنا يوم لقانا بحسبه عيد
والخطوة بينا تفرش المواعيد
بالحضن والتوهة
قلبك وقلبي موصولين
إيدي ف إيدك مشبوكين
روحي وروحك جنتين
حضني وحضنك قبلة للشوق والحنين
ساعة لقانا لو تعدي
فوق شواشي النخل تهدي
طرح معسول
بس اقول يا وردتي
حبك سكن
وانتي الوطن
مكتوب على بابه الأمان
والعشق لو طال البدن يخلق مكان
يفتح بيبان
ويدوب أوي
عاشقك أوي
والانتظار طول أوي
يمكن عشان فرحة لقانا قربت
الدنيا مبدورة سكوت
تستنى لحظة تضمنا
واللحظة مش ممكن تفوت
من غير براح
يفتح جناح الحب
بينا ويبتسم
فنطير بلحظتنا
بفرحتنا
سوا
موضوع: صوتك ملايكة 
الإثنين 30 مارس 2015, 2:35 pm