فضاء الإبداع

هذا فضاء للجميع فدعونا نحلق معا في أفق الإبداع
 
الرئيسيةالبوابةس .و .جبحـثالتسجيلدخول

شاطر | 
 

 رباعيات حكيم الاندلس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شريف الحكيم

avatar

عدد الرسائل : 1040
العمر : 50
الجنسية : مصرى
تاريخ التسجيل : 29/05/2008

مُساهمةموضوع: رباعيات حكيم الاندلس   الخميس 29 مايو 2008, 8:36 pm

رباعيــــات ليست لحكيم الاندلس

قاعدين عليك يا طريق مستنيين الفـــــــــرج
بنفصل المواوويل على اللي حاله اتعــــــوج
بنموت على اللي بعد بنموت على اللي خرج
يارب ليه الحقيقة يمنعها فينا الحــــــــــــرج
.......... وعجبي

الفقر ماله دوا والحظ ليه معكــــوس
والدنيا متشقلبة والحال كده منكوس
ما تموتونا بقا ولا تهاجرونــــــــــــا
يا تعيشونا غنم وتزودنا فلــــــــوس
.......... وعجبي
الحلم ماله كده تعبان ومش قـــــــــادر
وبيوته متعتمه والطعم فيه فاتـــــــــر
عمال ينوح بالبكا وعيونه ليه خايفة
فرضوا عليه خصخصة يارب يا ساتر
.......... وعجبي
الحب بيته القمر حريته أســــــــــوار
والعشق فيه جمرته أكلك منين يا نار
يا حب ليه جنتك نادرة ما بتدومــش
حتة كمان خمرتك آخرها طعم مــرار
.......... وعجبي
يا شعر ليه كلمتك ما بقتش زي السيـــف
ولا عدت ترسم أمل ولا عدت تلمح طيف
كل كلامك صار بالغش والتأليـــــــــــــف
وصبحت تكتب أوامر يا حاكمين الزيــف
.......... وعجبي
القلب باع الضنا وبيحضن القســــــاوات
وصبح بليد الخوف على حبه اللي مــات
سكة حياته شقا كل الكلام ميـــــــــــــــت
يا قلب ليه غنوتك صبحت رماد ورفــات
.......... وعجبي
الصقر يطلع لفوق يسبق ضلوع الريــح
لا يهمه سلطة بشر لا أذن أو تصريـــح
يا هل ترى يا صقر فرحان بحريتـــــــك
ولا انت برضه كده قلبك ماليه تجاريح
.......... وعجبي

الليل ملت دروبه م السكات اللي سكــــــــــــــــــــن
دارت تنوح ع الكلام اللي اندفـــــــــــــــــــــــــــــن
ولمحت من بين السواد لون البياض ــ قولت الأمل
روحت ألمسه طلع الأمل توب الكفـــــــــــــــــــــن
.......... وعجبي
يارب يا أبو الرضا افتح لنا بابــــــــك
وابعدنا من العدا قربنا لاحبابــــــــــك
تعبت كتافي من الذنوب اللي اتمـــلت
ع الرغم انك قريب م العبد لو سابــك
.......... وعجبي
شفتك هناك يا وطن قولت أنا جيـــلك
معرفتش اني ضعيف لسه بناديـــــلك
فجأة اللتقيتك نيل يروي ضلوع قلبي
فجأة التقيتك قمر قايدة قناديـــــــــلك
.......... وعجبي
يا قلوب عليها الصدا يا عقول ماليها البور
ولا عمره كان النوربالعافية أو بالــــــــدور
ولا عمره كان الرضا حبة خطوط مايلـــــة
ولا عمره كان الرضا بالحلم والمنظـــــــور
.......... وعجبي
يا رايحين للنبي يا واقفين ع البـــــــــــاب
طلبي بسيط والنبي طلبي مالوهش ثـواب
قولوا للحبيب النبي مسألتي عايزة جواب
مين ييجي بعدك نبي والكل صاروا تــراب
.......... وعجبي
يا ميتين بالعدد يا ميتين بالـــــــــــــدور
توب الإهانة اتفرد سيف الحيا مكســور
لو كان ما بينكم ولد شايف طريق النور
ليخطي صوته الأبد ويهد باب الســــور
.......... وعجبي
أيوب ما كنش صبور أيوب ده كان مرغـم
لو خيروا ايوب بين الأنتظار والمــــــــوت
لاختار يموت أرحم لاحسن يموت مكبــوت
.......... وعجبي

ماشي على السير اللي سف من العـــــدم
شايف أماني بتنطفي وبتنهـــــــــــــــــدم
وقفت سيري وانفلت مني الجــــــــــواب
يا هل ترى أخر الحكاية دي ندم ولا ألم
.......... وعجبي

يا معلمين القلم يكتب كلام تهجيس
بالدور كده يتهم ويفبرك القصاقيص
وبدمكم يترسم لون الحيطان في النفي
يا الصلب والمشنقة والموت بلا ترخيص
………………………………………..وعجبي
وصل التراب الحلق من عفرتك يا طريق
يامجربين الشنق من فيكو لسه بريء
والموت ده ليكو شفا يا عاشقين الوطن
ياتدوروا ع الأرصفة والسجن ليكو صديق
……………………………………….وعجبي

وطلعت فوق السما باصص على الملكوت
شوفت الخلايق عدم تستنى أو بتفوت
ولمحت فوق العدم حبة كلام مكتوب
الأولى كلمة نعم وآخرها كلمة موت
……………………………………….. وعجبي

يا عاشقين الوطن جوة السجون أسوار
هيموتوا لويعرفوا مابينكوا من أسرار
وتلاقي لوحة عدم منقوشة فوق الراس
من فيكو يعشق وطن لازم يخش النار
………………………………………… وعجبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جيهان ابراهيم

avatar

عدد الرسائل : 261
العمر : 40
الجنسية : مصرية
تاريخ التسجيل : 18/05/2008

مُساهمةموضوع: رد: رباعيات حكيم الاندلس   الخميس 29 مايو 2008, 8:48 pm

[b]تحفــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه
Embarassed Embarassed Embarassed
Embarassed Embarassed
Embarassed :
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصام الزهيري
مشرف قسم القصص والروايات
avatar

عدد الرسائل : 460
العمر : 44
الجنسية : مصر
تاريخ التسجيل : 12/05/2008

مُساهمةموضوع: رد: رباعيات حكيم الاندلس   الجمعة 30 مايو 2008, 2:35 am



الشاعر شريف الحكيم
الخروج من معلقتك الزجلية يشبه الخروج من قاعات الموسيقى
لقراءة قصيدتك عبق لا ينسى وللموسيقى فيها رائحة تعلق بالذاكرة وهي تمتاح من مخزون الشعر الزجلي العظيم بدراية وفهم مستوعب وحس راق. ليست إلا مدرسة عشق الوطن التي تخرج لنا أجيالا وراء أجيال من الزجالين والوطنيين الكبار
سأكون متابعا حريضا ومشوقا لكلماتك وتحولات شعرك وأتمنى لو كان شريف الحكيم هو اسمك الذي نعرفك به هنا وفي أماكن أخرى

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد حسني إبراهيم
مشرف قسم شعر العامية
avatar

عدد الرسائل : 358
العمر : 52
الجنسية : مصر
تاريخ التسجيل : 12/05/2008

مُساهمةموضوع: رد: رباعيات حكيم الاندلس   الجمعة 30 مايو 2008, 10:58 am

اخى عصام
كل هذه الاشعار ليست باسم او كاتبها هو المدعو المذكور
بل هى منوعه من هنا ومن هناك
فى لبيرم وفى فلكلور وفى فواد قاعود
هو المفروض يقول دى اشعار مين
لكى يكون هناك امانه فى النقل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aboonoor64.jeeran.com/
شريف الحكيم

avatar

عدد الرسائل : 1040
العمر : 50
الجنسية : مصرى
تاريخ التسجيل : 29/05/2008

مُساهمةموضوع: رد: رباعيات حكيم الاندلس   الجمعة 30 مايو 2008, 6:10 pm

شكر وتقدير للسيد الاساذ المحترم جدا جدا محمد حسنى ابراهيم مشرف شعر العامية باهدائى لقب (المدعو المذكور) واطلب من سيادتة قرائة الاحداث جيدا فى رباعيات حكيم الاندلس فهيا لاحداث جارية فى هذة الايام وليست منقولة او احداث فى زمن مضى - كما انوة انة ليس هناك اى عيب ان اتعلم او اسير على نفس طريق شعراء العامية فى مصر فهوا شرف لى ان انقل او اقلدهم فى نفس الطريقة وخاصىة الراحل صلاح جاهين 0 مرة اخرة شكرا على لقب المدعو المذكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد حسني إبراهيم
مشرف قسم شعر العامية
avatar

عدد الرسائل : 358
العمر : 52
الجنسية : مصر
تاريخ التسجيل : 12/05/2008

مُساهمةموضوع: رد: رباعيات حكيم الاندلس   الجمعة 30 مايو 2008, 6:47 pm

ياصديقى يا اخى العزيز
انا لا اقول اتك تقلدهم بل انا اقول ان النصوص كامله ملكهم مثل الفلكلور الشعبى المصرى
وانا فقط اقول لك اذا كانت تأليفك سوف انحنى لك عن طيب خاطر
لك حبى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aboonoor64.jeeran.com/
شريف الحكيم

avatar

عدد الرسائل : 1040
العمر : 50
الجنسية : مصرى
تاريخ التسجيل : 29/05/2008

مُساهمةموضوع: رد: رباعيات حكيم الاندلس   الجمعة 30 مايو 2008, 6:54 pm

اعتقد ان كلمة صديقى واخى افضل كثيرا من كلمة المدعو المذكور ؟؟؟؟؟؟؟؟؟؟؟؟؟لك حبى ايضا وتقديرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صبري رضوان
مشرف قسم خواطر شعرية وقصصية
avatar

عدد الرسائل : 84
العمر : 50
الجنسية : مصري
تاريخ التسجيل : 31/05/2008

مُساهمةموضوع: رد: رباعيات حكيم الاندلس   السبت 31 مايو 2008, 1:18 pm

منقول ايضا
وهذا الدليل القاطع اتبعوا هذا الرابط
http://www.shobiklobik.com/forum/topic.asp?TOPIC_ID=24257
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رباعيات حكيم الاندلس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فضاء الإبداع :: شعر العامية-
انتقل الى: