فضاء الإبداع

هذا فضاء للجميع فدعونا نحلق معا في أفق الإبداع
 
الرئيسيةالبوابةس .و .جبحـثالتسجيلدخول

شاطر | 
 

 ( مشاهد من كتاب البنت )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمود مغربي

avatar

عدد الرسائل : 118
العمر : 55
الجنسية : مصر
تاريخ التسجيل : 12/05/2008

مُساهمةموضوع: ( مشاهد من كتاب البنت )   الأحد 08 يونيو 2008, 6:19 pm



( مشاهد من كتاب البنت )


(1)


البنت
الساكنه فى آخر مشهد كراستى
إمبارح بس!
فتحت لى كتاب الكون..،
وكان متهيألى
هيكون متفصل على كدى..
أتارينى كنت أهبل
مخدوع
مش عارف أن الكون مفتوح
مفتوح!



(2)



ف بلدنا
واقف على أعلى طرطوفة المشهد
وف عينى نضارة ميدان..
بتأمل..
ياه ....
.....
.....
.....
ياه ...!!
المشهد دخلنى متاهة
وعشان اتخلص من توهتى..
قلّعت عيونى..
ورميت بدنى فى ضل الحيط !



(3)



ف بلاد برّه
المطره شئ عادى
بتصادق كل الشبابيك
وتملّى بترقص فوق أسفلت الشارع
وكمان بتعاكس شعر البنت الشقرا بحنان
وساعات بتشده بجنون
لكن فى بلدنا
أقصد فى صعيد المحروسة
لمّا تزورنا المطره..
تتحزم بجنازة
وتغنى ب بوووووووووووووووووووه !



(4)



الطفل الساكن جوّايا
وف طرف الشارع لابد
متخبى من عين شبابيك الحارة السد
الطفل الساكن مستنى
من وقت طويل مستنى
فوق إيده شايل روح بتهفهف،
وعلى طرف لسانه
كروان حزنان..
مش عارف يغنى !


(5)


فى عينكى حلاوة أمبارح
وامبارح لملم خلقاته من بدرى
رغم انه وعدنى حقيقى..
راح يستنانى
ويتبنانى لوحدى
ولوحدى كمان ...
يفتح لى شبابيك المشهد ..
والمشهد واقف فى البعد حزين
مستنى ..
مستنى
وأنا وانتى عصافير
بتحب تغنى
وكمان ...
بتحن كثير للمشهد !
****
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.magrapy2007.jeeran.com
محمد حسني إبراهيم
مشرف قسم شعر العامية
avatar

عدد الرسائل : 358
العمر : 52
الجنسية : مصر
تاريخ التسجيل : 12/05/2008

مُساهمةموضوع: رد: ( مشاهد من كتاب البنت )   الأحد 08 يونيو 2008, 9:56 pm

البنت ليها كتاب مفتوح
تديه للى يحبها وتحبه

ياسلام يامغربى على فتوحاتك للعاميه
ودخولك فيها بقلب
من غير ماتخاف خلاك فيها ياصاحبى جرىء
وحروفك تنزل تصاحبنا
وساعات بالصدمه وتصيبنا
انت فى كل حتة فنان
وشاعر وانسان
لك حبى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aboonoor64.jeeran.com/
محمود مغربي

avatar

عدد الرسائل : 118
العمر : 55
الجنسية : مصر
تاريخ التسجيل : 12/05/2008

مُساهمةموضوع: رد: ( مشاهد من كتاب البنت )   الإثنين 09 يونيو 2008, 2:18 am

محمد حسني إبراهيم كتب:
البنت ليها كتاب مفتوح
تديه للى يحبها وتحبه

ياسلام يامغربى على فتوحاتك للعاميه
ودخولك فيها بقلب
من غير ماتخاف خلاك فيها ياصاحبى جرىء
وحروفك تنزل تصاحبنا
وساعات بالصدمه وتصيبنا
انت فى كل حتة فنان
وشاعر وانسان
لك حبى


الرائع أبونوووووووووووووور
محمد حسنى الجميل
شاعر العامية المتالق
جئت الى دكان العامية محبة لشخصك وشعرك
ورفقة لهذا الفن الجميل
شكرا لمرورك البهى محبتى
مغربى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.magrapy2007.jeeran.com
 
( مشاهد من كتاب البنت )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فضاء الإبداع :: شعر العامية-
انتقل الى: