رفرف يا شوق

رفرف يا شوق

لو الزهور دبلت ف عز ربيعها
ولو النجوم فكر قمرها يبيعها
ولو الطيور مالقتش سما بتسعها
أفضل أنا..بعشق سنة
جوه السنة
وعينيك بتهمس أحب أوى أسمعها


رفرف ياشوق حوالينا خدنا لفوق
يحلى السهر وياك ولينا شروق
يضحك ف لهفة شمسه عايزة تدوق
شهد غرامنا.. روح سلامنا
وده كلامنا
فوق شفايف زي دم ف العروق


عايزين نقول للكون بحاله اسمعنا
لو فيك عزول نفسه الهوى يودعنا
خليه يموت أحسن ماحضن جامعنا
احنا سوى..يخده هوى
لنار اتكوى
بيها عيون حاولت كده تضيعنا


رفرق ياشوق حوالينا خدنا لفوق
يحلى السهر وياك ولينا شروق
يضحك ف لهفة شمسه عايزة تدوق
شهد غرامنا..روح سلامنا
وده كلامنا
فوق شفايف زي دم ف العروق


على مصطفى

بداية . كويسة
ان شاء الله سيكون القادم أجمل ..
و مرحباً بك .. ألف مرة .

والله حلو
قرأته أول مرة بيني وبين حالي
تاني مرة لانني حين أقرأ شيء جميل أحب أن أقرأه بصوت عالى من أجل أن تسمعه أشيائي التي في غرفتي
ثالث مرة اتصلت بأحدهم وقرأت له هذا المقطع


لو الزهور دبلت ف عز ربيعها
ولو النجوم فكر قمرها يبيعها
ولو الطيور مالقتش سما بتسعها
أفضل أنا..بعشق سنة
جوه السنة
وعينيك بتهمس أحب أوى أسمعها