فضاء الإبداع

هذا فضاء للجميع فدعونا نحلق معا في أفق الإبداع
 
الرئيسيةالبوابةس .و .جبحـثالتسجيلدخول

شاطر | 
 

 وبقيت منذور للحزن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أشرف الشافعى

avatar

عدد الرسائل : 10
العمر : 50
الجنسية : مصرى
تاريخ التسجيل : 28/05/2008

مُساهمةموضوع: وبقيت منذور للحزن   الثلاثاء 17 يونيو 2008, 8:24 pm

وبقيت منذور للحزن



من يونية 79
وانت بترفض ..
تتعامل مع الطرح الموت حواليك
على إنه حقيقة
من يوم ماأخدها التاكسى لمستشفى المواساه
واتنطرت من عينها اللهفة بتحضن خوفك
مع رعشة آخر حرف ف كلمة راجعالك
وانت مكدب كل اللى بحصل قدامك
العمال اللى بتنصب قدام بيتكم
ف صوان اليتم المترصع بالشفقة
حشد قرايبك
اللى اتملت الشقة بهمس نحيبهم فاجأة
واللى انت بقالك
أكتر من ست سنين
ما سمعتش عنهم حاجة
صوت الطبلاوى الطالع ...
من تسجيلكوالإيوا المركون
على رف قديم ف الصالة
أثر الصادمة البادية على وشوش اخواتك
وسط حريم العيلة
حتى الخطين الغامقين
اللى اتحفروا ف وش أبوك
مع ريحة الوجع الفايح ...
من عينه تجاهك
مع مسح إيديه على شعرك
كل التفاصيل بتقول ..
إن انت بقيت منذور للحزن
كان نفسك حد يقولك
زى مابتشوف ف الافلام العربى
( سافرت لبعيد ..
وحتتأخر كام شهر هناك )
كان نفسك حد يصد كهولة عيل حواك
مستنى نتيجة الابتدائية بعد يومين
كل اللى عينيك شايفاه ....
تكرار لسيناريو
صحيت من نومك مفزوع
مش عايز تفتكره
مع إن( الموت ف الحلم حياه )
قالت كده قدامك وانت مصدقها
أصلها لوماتت فعلا ..
إيه ح يخليها تقولك ( راجعالك )
إيه ح يخليها تسيبك ....
تستنى حاجات
أخدتها وح تموت وياها
سبت الدنيا وراك بتعيط ..
وبتنعى غيابها
ودخلت أوضتها ..
تحضن ف حضورها الطاغى على الموت
مع حيرة أسئلتك
الى استعصى عليك تلاقى لها إجابة
إلا ف وقت ماغمرك إحساس
بيفك طلاسم حيرتك
دايماً قبل ماكنت بتوصلّه
تتهدم كل جسور الحكايات
اللى انت بقيت
محسود علشانها من صحابك
مع كل بنات الشارع
دايماً كات تفشل تاخدك
وتقرب بيك لجلاله
كل النزوات المرمية ف هامش حواديتك
بس انت ضحكت عليه ف الآخر
وفضلت مكدب
ألاعيبه اللى بعتها ذهول ....
ف وشوش اخواتك وقرايبك
وف قطمة ضهر أبوك قدام الدنيا
من حقك تفرح
بعد ماقدرت ( همسة )
من خلف قزاز حضَّانة ....
ف مستشفى الشاطبى
ترجعلك بنتيجة الابتدائية...
اللى انت قعدت بتستناها
من يونيه 79
ولغاية يوليه 2003
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shaffey.maktoobblog.com/
محمد حسني إبراهيم
مشرف قسم شعر العامية
avatar

عدد الرسائل : 358
العمر : 52
الجنسية : مصر
تاريخ التسجيل : 12/05/2008

مُساهمةموضوع: رد: وبقيت منذور للحزن   الأربعاء 18 يونيو 2008, 1:05 am

اخى الحبيب
اشرف الشافعى
اهلا بك فى فضاء الابداع لكى تبدع معنا ونخلق شكلا من الابداع
الذى نرضى عنه ان رضينا
وبقيت منذور للابداع
خالص حبى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aboonoor64.jeeran.com/
أشرف الشافعى

avatar

عدد الرسائل : 10
العمر : 50
الجنسية : مصرى
تاريخ التسجيل : 28/05/2008

مُساهمةموضوع: شكرا لترحابك ياأبو نور   الخميس 19 يونيو 2008, 12:13 am

الحبيب محمد حسنى
هو شرف لى أن انضم لهذا الموقع الذى يضم كوكبة من المبدعين
وأرجوا أن يكون إضافة تحرك المياه الراكدة
وارجوا أن ننجح جميعاً فى التحليق فى هذا الفضاء الرحب
تحياتى وتقديرى ومودتى
أشرف
[b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shaffey.maktoobblog.com/
سيده فاروق



عدد الرسائل : 9
العمر : 50
الجنسية : مصرية
تاريخ التسجيل : 12/05/2008

مُساهمةموضوع: رد: وبقيت منذور للحزن   الخميس 26 يونيو 2008, 6:44 pm

الشاعر الجميل /اشرف الشافعى
يااخى كلما قراتك ازداد ايمانى بان الكلمة لازالت لها قدسيتها وجلالها وبهائها وكهربيتها وديناميكيتها
قصيدتك هذه
اصابتنى بالمتعه والحزن الجميل والبهاء
دمت شاعرا حقيقيا اعتز وافخر بقراءتى له
دمت صادقا
سيدة فاروق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضحى بوترعة
مشرف قسمي حوارات خاصة مع شخصيات مبدعة وقضايا وآراء أدبية


عدد الرسائل : 1313
العمر : 48
الجنسية : تونسية
تاريخ التسجيل : 12/05/2008

مُساهمةموضوع: رد: وبقيت منذور للحزن   السبت 28 يونيو 2008, 11:28 pm



أخي العزيز


شكرا لجمال كلماتك وعمق بوحك

تقديري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جيهان ابراهيم

avatar

عدد الرسائل : 261
العمر : 40
الجنسية : مصرية
تاريخ التسجيل : 18/05/2008

مُساهمةموضوع: رد: وبقيت منذور للحزن   الإثنين 30 يونيو 2008, 12:48 am

الشاعر اشرف الشافعى
مرحبا بك فى فضاء الابداع
طائرا يجمل بين جناحيه جمال الكلمات ورقة المشاعر وروعة الخيال
Smile Smile Smile Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أشرف الشافعى

avatar

عدد الرسائل : 10
العمر : 50
الجنسية : مصرى
تاريخ التسجيل : 28/05/2008

مُساهمةموضوع: إلى سيدة فاروق   السبت 05 يوليو 2008, 8:03 am

الأخت والصديقة والام سيدة فاروق
كلماتك تاج على رأسى لا لكونها تعطينى أكثر مما استحق فقط
ولكن لأنها تصدر بصدق وحب من شاعرة كبيرة
أكن لها كل تقدير واحترام وإعجاب
وأرجوا ألا اخيب ظنك فىّ
وأن أظل مستحقا لشذرات عطر أخوتك ورقى تواصلك
وأنتظر جديدك ووعدك
مودتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shaffey.maktoobblog.com/
 
وبقيت منذور للحزن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فضاء الإبداع :: شعر العامية-
انتقل الى: