قصيدة بالعامية المصرية
"فـى حالـة هذيــان"
شعر :
عبدالحميد أحمد على
...............
لما يسط الحرف دماغك
ارفع حالة الاستعداد
خش اتشكل جوه فراغك
وأملأ جيوب الكلمة مداد
أوعاك تصارع-فعلك بارع
الشوارع/رافضة تديك الحقيقة
الدقيقة تمر فوق سطح البيوت
التابوت/مش قد مقاسك
كاتم على أنفاسك
ورأسك طاله من الكوه
والهوه وسيعة ف جوف الليل
الويل/لو تطرح تفاصيلك بره
لملم كل اللى بقيلك
اعزل نفسك م العالم
اسكن فى مجره
وأن خدنى سؤالك لبعيد
أنا أعيد الكره
مش سامع صوتك
ادخل ملكوتك
وسكوتك/غصبن عنك
مع أنك مدارى
وأدارى الشمعة/مبتقدشى
متسيبش الخوف/فى قلبك يسكنك
هتموت أكيد... إفزع
فى وشى.. اتنتر
ارمينى بحروف القصيدة
أفضل بعيد/فتش فى
وشوش الناس من جوه
ادعى لخلاصك وخلاصى بالقوة....!!
موضوع: فى حالة هذيان/ للشاعر عبدالحميد أحمد على 
السبت 25 أكتوبر 2008, 3:27 am
