نــــــــــــــــادى حافظ

[size=18][color=darkblue]عيون بتطل ع الشباك
والسجن غربة تخنق الحواديت
بالظبط زي التوهه ف الفوقان
فــ تمد ايدك تزرع الحرف اللي ساقط ع الخدود
وتربي دمعة ف وسط حبسك الانفرادي
تكبر عليك ........
وتعوم كأنك قشه تتمنى الغريق
يوم الوصول...
يتعلق ف طرف القش يسقط م النتيجه
ترجع لأول سكة الرايحين
رايح تخلي الدنيا بنت تفرحك
ترسم حاجات ..
على قد أول خطوه بس نروح
وتمني نفسك بالعطور
الزينه ـــــــــ والبرواز
رايح لقدرك
بس نيلك عطش
والخوف تكون رايح تسف الرمل
أو ترمي ندرك ليه
الخوف عليك أكتر هناك تستطعمه
ترجع ما تعرفش الخضار
غير العلامه الوسخه على وش الدولار
رايح وقلبك وسطنا
ف اركب برجلك سكة الرده
أملا بقك من حنين النيل
تف ع الصحرا ف طريقك
رايح تخلي الدنيا مره تبل ريقك
ولا تبل خدودنا دمعة للفراق
رايح تخلينا حزانا بفرحتك
طب رحت فين ؟؟؟؟؟؟؟؟؟؟؟

جميلة جدا جدا يا أستاذ محمد
بس لي سؤال من هو نادي حافظ؟
أسفه بس القصيدة جميلة وكنت عاوزه أعرف مين صاحبها وظروفه إيه

اشكرك اولا
ونادى حافظ هو صديقى وشاعر يعمل بالكويت
والقصيدة ضمن مجموعة قصايد باسماء اصدقائى
بس
مش هاقدر اقوووووول اكتر من كده
واشكرك جداااااااااااااااا
لك كل تقدير

فعلا جميلة جدا
ومعبرة جدا
أعجبتني كثيرا

نبض الروح كتب:: فعلا جميلة جدا
ومعبرة جدا
أعجبتني كثيرا

لك كل الشكر نبض الروح على مرورك الكريم
تقديرى