زمــــــــــن الصكوك

إلحـــق وخد حقك صكوك ليرقصوك وينقصوك
للبيع ضميرنا وينصفوك تاخد بكام ويقرطسوك
إلحــــق وخد حقك صكوك
غلبان ياشعب يفرحوك وبيسعدوك ولا يجرحوك
وان خدت حاجه يلحقوك ويقولوا يعنى مال أبوك
إلحـــق وخد حقك صكوك
تاخد هاتشبع م اللى فاض ويقولوا خيرهم دا اللى فاض
مشغول بقى ولا انت فاض تقعد تلم يبحترووك
إلحق وخد حقك صكوك
متقاله من يوم الأزل خيرنا ياعالم لم يزل
حتى دعاكم لو نزل يطلع كمان ولا يسمعوك
إلحــــق وخد حقك صكوك
اوعى تقولى مش هابيع وتسيب بقى حقك يضيع
هى كده حتة وقيع يرموها قال بيريحوك
إلحــــق وخد حقك صكوك
تشبع وتتقمع ياواد وتكون غنى وسط العباد
ريح ضميره بالمزاد الأونه دورك ويبعوك
إلحــــق وخد حقك صكوك
تبقى يامصرى قطع غيار كبده وكلاوى مش هزار
لازم وحتما للكبار هما يعيشوا ويشكروك
إلحـــــق وخد حقك صكوك

أخي محمد

نص رائع وهادف

ألف شكر لك

دمت مبدع رائع

تقديري

عزيزتى الاديبه امال بوترعه
اشكرك جدا ولك كل تقدير
واحترام

أستاذ محمّد:

أشكرك علىهذه الكلمات الجميلة و المعبّرة .

تحيّاتي .

استاذة / لمياء لك الشكر على مرورك الكريم
تقبلى تقديرى

الشاعر الإنسان محمد حسني
ما يحدث كفيل بأن يخرج الشعر من جماليات البوح إلى جماليات الصراخ وأن يجعل من صرخة الشعر مماهية لصرخة الإنسان وهو ما رأيته بسطوع في قصيدتك
ستؤدي الصكوك إلى المزيد من : "تبقى يامصرى قطع غيار كبده وكلاوى مش هزار"
مش هزار لكنه الجد..ليس الجد ولكن المزيد والمزيد من الكوارث والمصائب

عزيزى الغالى عصام
هو البوح يخرج مثلما يريد ان يخرج
لا سلطان عليه
وتوجد لحظات لابد فيها من الصرااااااااااااااااااااااااااخ
اشكرك جدا ايها القاص الجميل
على مرورك

أستاذي الشاعر الكبير محمد حسني زمن الصكوك دانة قوية في وجه كل ظلم ينوون فرضه علينا ، والضحك به على عقولنا التي هم متأكدون أنها تفهم جيدا ما يحيكون من مؤامرات مخزية
شكرا لقلمك الرائع

الاخت العزيزه حنين
اشكر مرورك الهادىء
ولك كل الاحترااااااااااام

أستاذنا الشاعر الكبير محمد حسني
للشعر دوما صرخات عالية تؤجج في هشيم الروح نارا لا تبرد ولا تستكين ، ولطالما عبرنا بالشاعرية عن رؤانا بنبض متدفق يحمل لغة ثنائية الدلالة أو متعددة الدلالة ، وأحيانا أخذتنا مطية شاعريتنا لمعادلات موضوعية تفتح أبواب التأويل والاجتهاد
أما الشعر فيحفظنا في جدوله رصاصات قاتلة موجهة لا تحتمل إلا موجات الغضب والتصاعد المثير حينما تجد هدما بمعول صديء في جمال يراه الشاعر ويبتغيه متكاملا بعيدا عن القبح
شاعرنا الكبير ، أنت تمتلك الشعر والشاعرية ، وتمتلك معهما أن تجعلنا في ذهول حينما نقرأك
شكرا لك

غالبا ما يزعجنى الصراخ ، لكن أطربنى صراخك يا محمد

اخى الحبيب د محمد ربيع
مرورك يبهجنى ويدخل السرور الى قلبى
وانت تعلم مقدار غلاوتك وصداقتنا الجميله
ربنا يديمها علينا ياااااااااااارب
لك كل الحب

اخى الحبيب حسان
اشكر مرورك الذى يكون دائما له طابع خاااااااص جدا
محبتى الكبيره