غيرى

]غيرى كل الملامح
غيرى كل الامانى
غيرى نظرة عنيكى
ااقلبى كل المعانى
غيرى ضحكة شفايفك
مثلى دور حد ثانى

غيرى حتى الخطاوى
غيرى حتى الطريق
اعملى منى سفينه
واعملى منك غريق
واطلعى و عيشى بعيده
عن حياتى و كل شئ

اعملى منك سراب
اهربى ويا الضباب
اعملى من كونى قلعه
و اخرجى من اى باب
و ارسمى لنفسك طريق
عمره ما يوصل لباب

واوعى تنسى تفكرينى
لو نسيتى تودعينى
اطلعك من جوه قلبى
و ابخرك ويا السحاب
واوعى تنسى وانتى ماشيه
تاخدى وياكى العذاب

وقتها هرفع راياتى
واغنى غنيوة نجاه
وارجعك يا قلبى صافى
والحق العهد فى صباه
وابدا عمرى ما هانسى
شخص عاش قلبى معاه
هاسجنك جوا سطورى
درس فى فن الحياه

اعزائى المبدعين ارجو ان اتلقى تعليقاتكم على اول مشاركاتى فى فضاء الابداع
كم انا سعيد بوجودى بينكم حمدى السيد

يسرني أن أكون أول المعلقين

فعلا كلمات جميلة جدا

سلمت أناملك

وبانتظار المزيد

اهلا بك اخى الحبيب فى وسط هذا الكم المميز من المبدعين
ولك كل الترحاااااااااب
وفى انتظااار المزيد
محبتى

عزيزتى نبض الروح
مرورك اعطى لمشاركتى معنى كبير على الاقل بداخلى
اشكرك جزيل الشكر

استاذى الكبير محمد حسنى
كم هو رائع مرورك و تعليقك
وكم هو ثمين وجودى وسط الفرسان
فالكل سيرانى فارس
مع اطيب المنى

نعم أنت فارس يا أستاذ حمدي ومرحبا بك هنا في منتدى فضاء الإبداع
ومرحبا بك فارسا نبيلا وسط هذه الكوكبة المبدعة الرائعة
نصك جميل جدا

المتالقه حنين
كم هو ثمين مرورك و تعليقك
لنتواصل دائما
لك منى اطيب المنى

لأ بقى يا أستاذ حمدي دانت شاعر جامد جدا
قصيدتك روعة
أهلا بيك بجد

عزيزتى رشا
انتظرت تعليقك
و ها هو قد جاءنى ليسعدنى
لك جزيل الشكر