فضاء الإبداع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

فضاء الإبداع

هذا فضاء للجميع فدعونا نحلق معا في أفق الإبداع
 
الرئيسيةالبوابةأحدث الصورالتسجيلدخول

 

 غزة....يا غزة.....جرحك ف القلب نغزة

اذهب الى الأسفل 
كاتب الموضوعرسالة
عبدو دهمان




عدد الرسائل : 11
العمر : 59
الجنسية : مغربي
تاريخ التسجيل : 23/12/2008

غزة....يا غزة.....جرحك ف القلب نغزة Empty
مُساهمةموضوع: غزة....يا غزة.....جرحك ف القلب نغزة   غزة....يا غزة.....جرحك ف القلب نغزة I_icon_minitimeالسبت 03 يناير 2009, 9:13 am

غزة......يا غزة
جرحك ف القلب نغزة..........
غزة......... يا غزة
جروحك غ تبقى ف القلب نغزة
فيك الناس تعيش رعب
بين هزة و هزة
وليداتك اليوم عايشين ف ظلمة
لونها مسقي بسواد العنزة
فوق بركان ثاير
لرواح تزهق
ف اعنف رجة
والغربان ف قصورها
مزبطة و شبعانة برزة
تتراشق بكيسان الكونياك و الويسكي
والبوط يتموج
برعشة انغام الركزة
**********************
ف الفضائيات/ صور المنكرو مشاهد تأثر
دم الاطفال متختر/بذبيح العسكر
وف القنوات الصحافة
دايرة اكبر ضجة
ف اقل من دقيقة
اوربا صدرت وثيقة
بتوقيف الناروالمساعدات
تروح لغزة
خف من ومضة بريقة
******************
وسرب الغربان داخ سكران
........ما لك زربان.......مازال الوقت ماحان
خليني نزيد شي كاس راني عطشان
وبين البوط و الويسكي القرار تالف مابان
آجي ياك غزة هديناها لشالوم قربان
وصرفها لينا بشقراوات صافية من اللوبان
واش وقع شي خلل ف الميزان
ياكما شي زعيم بغى يدير فيها طرزان
ما شافش آش دارت لخوتو الغولة مريكان
ديروا لو ما درنا للولين و سيفطو مسوكر
يبقى حكاية ف خبر كان
********************
غزة........ يا غزة
الله يكون عوينك ف هذه الحزة
الصوارخ وطياير ف السما تحوم
وع البيوت القنابل تتقاطر سموم
واطفالك و عكايزك ف الدم تعوم
وتلفت و ما لقيت
على من نرمي اللوم
اش نلوم........آش نلوم
واش هما...ولا حنا.....ولا شالوم
واش ف تربتنا.......ولا عقولنا
للي م عاطية قيمة للعلوم
ولا ف فلوس براملنا للي راحت
ف لالة و مالي وذاك المعلوم
ومالقيت عزى راسي
غ ف السكات ونداري نارالغدة
ونخلي سرك يا غزة ف صدري مكتوم
******************
ستين عام معيشنا
ف الوهم بخبيراتك ياتلفزيون
وكتابة وتبريرصحافتنا
ماريخوانة و آفيون
وصورتو لينا صدام
زعيم غ خلصنا من فرعون
وف التالي تبخرت لحلام
وكانت الهزيمة وصبح زعيمنا
مونيكا من الكارطون
وطلعت الخيانة والكذوب
خنجرف ظهرالوليد المطعون
بصمة عار ف تاريخنا
مبصومة بالفحم احسن عربون
وطلعت غزة.........
لصبرا و شاتيلا......نسخة كاربون
********************
باركا علينا من كتبة لكذوب
امتى يا صاحفي/صاحبي توب
وللتاريخ ما تزور كتوب
وتبين حقيقة غربانك لكل الشعوب
ووريه وجهو ف مراية التاريخ
باركا من الوهم والهروب
ما عمر خالق الكون
يزور طلوع الشمس ويعود الشروق غروب
ارفعت كفوفي للعالي
وترجيتو يفاجي عليك هذ لكروب
ويكون لخوتنا ف غزة عوين
ويجعلها مغفرة للذنوب..........
ويرحم شهداءنا ويصبرالقلب المعطوب.........
********************** دهمان عبدو/ الخميسات :30/12/08
الرجوع الى أعلى الصفحة اذهب الى الأسفل
 
غزة....يا غزة.....جرحك ف القلب نغزة
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
فضاء الإبداع :: شعر العامية-
انتقل الى: