غلبتنى السنين

--------------------------------------------------------------------------------

تعبت .. وغلبتنى السنين
وعلمت بقسوه فى اديا
وملاها دموع العين
يا دنيا يالى بيعانا واحنا شاريين
كل منانا معاكى الفرح .
وانت حزنك فاض أنين
خليتى الخوف جوانا أمل
عايشين بيه ومش داريين
ولاعادش نافع فيكى ندم
ودموع وحسره .. على مين
... غيرتى هوانا كام مره على هواكى
وبنيتى الحلم فى أحضانا يوم نلقاكى
لكن إنتى فين ومين خلاكى معانا كده
هوه النصيب غلاب ولابد نعيش فى رضا
واهو كل ما يفيض الكاس بينا
نجرى نشبك إيدينا
ونوهم عقولنا وعنينا إن الفرح لينا
.... ومش هتطول حكايتنا كتير
بكره نموت ويتولد مليون أسير
يعيش مكبوت فى حيطان وسور
أبراجه عاليه وحراسه جسور
لكن .. يمكن يفهم واحد فيهم مقصدك منا
ويغير عيشة اللى بعد منا
. وساعتها هنكون تراب
لافارق فيه التغيير .. أو العذاب
وياريت تكونى رضيتى بينا
وترحمى الى جيين بعدينا

ياغريبه .... ياللى منعتينا الحنين