آخر سؤال

آخر سؤال أنا هأسأله

والرد خايفة تأجله

علشان تحير قلبى تانى

قلبى خلاص أنا هاقفله


آخرسؤال يمكن يكون

عن قصة كانت فى السكون

لولا ندانى وصحّى قلبى

ما كات دموعى هاينزلوا


آخر سؤال حبيتنى ولاّ

حتى السؤال إليك مزلة

ماتخافشى من ردك علية

الرد راح أتحمله


آخر سؤال يمكن لقلبى

هاتنسى ولا هاتكرهه

إياك تكون زيُّه يا قلبى

حبك بكره تبدله


أخر سؤال إزاى هاصدق

إن العيون دى كدبت عليّة

وازاى فى يوم هاقدر أفرق

بين صادقة أو بيمثلوا


آخر سؤال إحترت فيه

يمكن يكون جاوب عليه

بخداعه ولا بقسوته

ولا بطريق ماكمله


آخر سؤال تتخيله ؟

تسمحلى أطمن عليك

وجرحى أنا هاتحمله

بكرة الزمان هايدبله



آخرسؤال : بس خلاص

التساؤلية دائما تخلق عالما حساً اخرا يضاف الى ما يملكه المرء من عوالم ، فتجعله يعيش بين الحقيقة واللاحقيقة ، نص مفعم بالمعاني والدلالات.

محبتي
جوتيار

جوتيار تمر كتب:

التساؤلية دائما تخلق عالما حساً اخرا يضاف الى ما يملكه المرء من عوالم ، فتجعله يعيش بين الحقيقة واللاحقيقة ، نص مفعم بالمعاني والدلالات.

محبتي
جوتيار

الأخ الكريم / جوتيار
شكرا لك على احساسك الراقى وأدعوك لزيارة مدونتى على الرابط التالى :

http://sarasaif.malware-site.www/
سارة سيف

أخر سؤال إزاى هاصدق

إن العيون دى كدبت عليّة

وازاى فى يوم هاقدر أفرق

بين صادقة أو بيمثلوا

معرفش
بس الصدق بيفرض نفسه زي ما الكذب بيتكشف الصدق هيداوي جروح الكذب و دة عن تجربة
حلوة و معبرة جدا تسلم ايديكي
محبتي