1- لما تتفرج على سيناريو الحدوته وتعرف كويس ان فيه حاجه مش مفهومه
لا للمخرج ولا للبطل ولاحتى للجمهور تعرف انك قدام سيناريو مش سهل حد يقلده
اويكتبه وتعرف كمان ان الحبكه بتاع الحكايه خارجه عن ارادتك متملكش تفتح بقك
وتشاور بهزيان ولونطقت بحرف واحد بسرعه تنساه وتستعجب
تسيب نفسك لعبارة بتيجى على الخاطر وتقولها بجد تدابير الله
2-
نفس المشهد اللى انت فيه ومعاك اصحابك بيأنسوك او بيكملوا فرحتهم بيك بتقص
وتعمل مونتاج وتطلع نفسك بغباوة مش متعودين عليها منك لان كل اللى كان معاك
عارف قد ايه بتحاول تضحك رغم الجرح ورغم حاجات متفسرهاش غير نادر للى
معاك 0
ازاى بتطاوعك ادوات المونتاج وتشيل من بينهم صورتك وانت اللى كتبت الحدوته
3-
البت الى وصفتها بهدوء وماسبتش منها ولا حته
هاتسيبها لمين ؟
4-
صندوق روبابيكيا بيتقطع وبيتمرغ ف تراب الارض علشان ماشفكش بتفرز فيه
5-
حاسبى ياريح ريحه
ف غناكى تباريحه
مين اللى كان ريحه
ساعة قضاء الله
6-
شفت
فضلت تحبب فيك الناس وماتقولهمش ولا كلمة فيها شبهة زعل وبتحسسهم
انك حنين حتى ع الارض اللى بتخطيها وفضلت كده
صابر وبتشر الحنين وف لحظة كرسى ف الكلوب وتظهر الصوره الحقيقيه
جبت من فين القساوة
انت مش بتحبنا0000 بتسيبنا ليه؟
7-
زيك زيهم هارن عليك واستنى ترد الرنه صباعى هايسبق ويحاول يفتح كالعادة
نتسابق مين يقدر يفتح على مين ؟
رنيت
مستنى ترد الرنه 00000ترن
مستنى
رن ومش هافتح بس ترن
8-
يرحمنا من غيبتك بقى
محمد حسنى ابراهيم
5/8/2007
موضوع: شهاده عند رحيل عبد المعطى سبحانه من انزل ملايكه تخطفك للجنة حدف 
الإثنين 26 مايو 2008, 3:21 pm
