منزل مسكون بالجن

حاولت ان أقنعه ليصعد الي الطابق العلوي لكنه اكد انه يسمع اصواتا غريبة كلما صعد درحة من درجات السلم

يابني مفيش حاجة ...هتفضل جبان لحد ايمته؟
اصعودي السلم بشكل متواصل عدة مرات في اليوم شئ مؤرق فضغط الدم يرتفع لاقل مجهود
يابني انت خفيف عني اطلع هات الموبايل
اكد للمرة الثانية ان عدة اصوات تصدر من اعلي لدلك هو لا يفكر حتي في الصعود ليمارس هواياته المفضلة في الرسم والكتابة علي الكمبيوتر
محاولاتة الطفولية لكنابة قصائد تاتي متشابهة تماما فهو في كل مرة يكتب عن وحدته وعن ظلم اصدقائه له وتكبرهم عليه في المدرسة
هتكبر يا بني وتعرف ان الحياة تجارب وخبرات ومن تكرهه اليوم تحبه غدا وبالتاكيد العكس صحيح
بابا متحاولش مش هتعرف تحمل فيلم دكان شحاتة لسة ما نزلس علي النت
تلاقيه فيلم وحش زي حين ميسرة
بكيت عندما شاهدت حين ميسرة عدة مرات
خالد يوسف مخرج غير عادي ولابد ان اشاهد كل افلامه
حد يشوف فيلم فيه هيفاء وهبي
خالد قادر ان يجعل الفسيخ شربات
يابني هات الموبايل
وقفت له علي اول درجات السلم وقلت غن وانت طالع اي اغنية تسلي نفسك بها حتي تنسي رعبك
خمسة وخمسين اسعاف ...خمسة وخمسين اسعاف
هههههههههه
يا بني هدة اغنية
اهلا مصطفي انت طلبتني في المسا ء وكنت نائم
ايوة كنت اعايز اسمعك قصيدتي الجديدة
انت عارف رايي في شعرك كله جميل
مبروك صدور ديوانك الاول
عقبالك ديوانك الرابع يا مصطفي
ااصوات غريبة تنطلق من الغرفة بالطابق علوي
وصورة لشخص اعرفه
اراه كثيرا في التليفزيون ببدلة انيقة
انت عايز اية اخرج من هنا مش كفاية كدة
كفاية
بقا
مر اعتقال فورا ....كلمة كفاية وحدها سبب اعتقالك
انا محدش يقولي كفاية
ولا يقولي لا للتوريث
صدقت ابني ان هناك اصوات غريبة
وصور غريبة تحاصر المنزل وتسكن طابقيه وغرفه الاربع

بدا قلبي يرتجف
كفاية ملعقة سكر في الشاي؟؟
ارجوك لا تقولي كفاية
قولي مثلا ...ايكفي ؟
يجب علينا ترك المنزل فورا
نتركه ؟؟؟؟؟؟؟؟
لا ...لن نتركه
ففي كل شبر فيه لنا دكري
سنوت هاهنا
اوكي ...لن نتركه بشرط
ما هو ؟؟؟؟؟
الا اسمع كلمة كفاية منك مرة اخري فالجن يتربصون ويسمعون ويسجلون كل حرف
متفقين
ودكان شحاته؟
مش عايزة خلاص

دة فيلم فاشل حد يشوف فيلم فيه هيفاء وهبي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟