كان يا ما كان بنت وشاعر ، بيتهم جنب البحر بتجيلوا طايره زي فراشة جميلة وزي النور في لحظة طهر شايلة جناين ورد حالفة لتعرف من عينه أصل الود كان واقف بين البحر وبين قلبه سامع خطوتها ، وشامم ريحة ورده ف إيدها لما ناداله صوتها حط الوردة جنب البحر وكات البنت لابسه الطرحة لون الفجر وعنيها الجنة لو وصفوها بجد لما اتقابلوا ف قلب البحر عرفوا العزف ، وعرفوا الشعر ، وعرفوا العشق لما بجد بجد لمس القلب
لما حضنها وحط ف بالها روحه الطايره وقرب منها ، ومن ضفايرها وحط البسمة على شفايفها وقرب أكتر أكتر كان البحر ف قلبه الوردة بيبصولهم لما اتعانقوا ولما تعاهدوا ولما افترقوا أحبة بتعرف ريحة الحب لما يكون بين وردة وبحر بين بنت وشاعر حلفوا يكونوا مركز كون وبيحكموا عالم م الأحلام ضيف مفتون لما ف أول حضن عرفها وبين شفايفها دق الوشم داب البحر بقلب الوردة فنبتت وردة ف بستان شعر
وف وسط الزحمة كانوا قاعدين شايفين الناس ومش شايفين غير ضحكة قلبه ، ودمعة عينه وعنيها وهي بترسم جوة الروح جنة ونور كانت مهمومة إزاي تقدر تديه الوردة أو تقسم قطعة شيكولاتة بين شفايفهم مين كان شافهم لما اتقسمت جوة قلوبهم أو رسمت على ملامحهم قلب صغير وشجر طارح عشق كبير مين كان شافهم لما ايديهم لمست وردة واتعانقت في لحظة كل سنين الحرمان لما الغربة نامت عنهم مد إيديه لإيديها ودابوا مين كان شايف لما اتقابلوا جوة الروح قبل معادهم ده بسنين؟
وف لحظة كان لازم يفارقها من قبل معادها وهو حاسبها لحظة خوف .... حزن دفين هي الدنيا مش كانت بتاعتهم ولا بتاعت مين؟ لما إيديها انسحبت من إيده حس برعشة جوة وريده واتبقت وردة وحيدة ساكنة البحر قدام البحر لمح الوردة بتتدارى خلف دموعها والبنت تفارق حرف شاعرها وتتمشى بحزن جنب البحر الروح والريح وهدية كبيرة بين أحضانها كان لازم يداريها لأطول لحظة علشان ميحسش بالغربة النايمة تطلع تاني زي دخان وحرايق تسرق كل الحالة وتهرب زي حبيبته مخرجت من قلب الشارع واستقبلها الحزن الساطع لازم يعرف إن اللحظة مش لحظة فرقة كانت لحظة شوق وحنين لقلب الشاعر والوردة والبنت الموشومة جوة العين
حنان
عدد الرسائل : 17 العمر : 40 الجنسية : تونسية تاريخ التسجيل : 18/04/2010
موضوع: رد: قصة بنت وشاعر ...... الأربعاء 10 نوفمبر 2010, 3:29 pm
أكثر من رائعة!!!!!!!
دكتور : محمد ربيع هاشم Admin
عدد الرسائل : 1663 العمر : 54 الجنسية : مصر تاريخ التسجيل : 12/05/2008
موضوع: رد: قصة بنت وشاعر ...... الأربعاء 10 نوفمبر 2010, 3:30 pm
أشكرك جدا حنان
سهرالليالى Admin
عدد الرسائل : 61 العمر : 34 الجنسية : الحمدلله مصريه تاريخ التسجيل : 06/11/2010
موضوع: رد: قصة بنت وشاعر ...... الأربعاء 10 نوفمبر 2010, 10:27 pm
لما اتقابلوا ف قلب البحر عرفوا العزف ، وعرفوا الشعر ، وعرفوا العشق لما بجد بجد لمس القلب
كل ما اقرا موضوع اجمل من التانى مش عارفه الحقيقه انا مش هاقدر اكتب الخواطر بتاعتى دى خالص
دكتور : محمد ربيع هاشم Admin
عدد الرسائل : 1663 العمر : 54 الجنسية : مصر تاريخ التسجيل : 12/05/2008
موضوع: رد: قصة بنت وشاعر ...... الخميس 11 نوفمبر 2010, 4:14 pm
شكرا لوجودك الصديقة سهر ومرورك الجميل
ضحى بوترعة مشرف قسمي حوارات خاصة مع شخصيات مبدعة وقضايا وآراء أدبية
عدد الرسائل : 1313 العمر : 55 الجنسية : تونسية تاريخ التسجيل : 12/05/2008
موضوع: رد: قصة بنت وشاعر ...... الخميس 11 نوفمبر 2010, 4:38 pm
نص عذب ورائع جدا يا دكتور محمد
مودتي
دكتور : محمد ربيع هاشم Admin
عدد الرسائل : 1663 العمر : 54 الجنسية : مصر تاريخ التسجيل : 12/05/2008
موضوع: رد: قصة بنت وشاعر ...... الخميس 11 نوفمبر 2010, 4:48 pm
شكرا ضحى الشاعرة التونسية المتألقة على هذا المرور الأنيق
لبنى شبلي
عدد الرسائل : 341 العمر : 46 الجنسية : فلسطينية تاريخ التسجيل : 15/05/2008
موضوع: رد: قصة بنت وشاعر ...... الجمعة 12 نوفمبر 2010, 3:10 pm
. .
كما أعرفك .. رائع جدا محمد
دكتور : محمد ربيع هاشم Admin
عدد الرسائل : 1663 العمر : 54 الجنسية : مصر تاريخ التسجيل : 12/05/2008
موضوع: رد: قصة بنت وشاعر ...... الجمعة 12 نوفمبر 2010, 3:12 pm
لبنى كم اشتقنا لكِ ولحرفك ولوجودك شكرا لمرورك الجميل مثل قلبك
لبنى شبلي
عدد الرسائل : 341 العمر : 46 الجنسية : فلسطينية تاريخ التسجيل : 15/05/2008
موضوع: رد: قصة بنت وشاعر ...... الجمعة 12 نوفمبر 2010, 3:16 pm
موضوع: قصة بنت وشاعر ...... 
الأربعاء 10 نوفمبر 2010, 3:25 pm
