نزل المطر
وغسل غبارالظلم فوق ورق الشجر
صوّره كتير بتشدنى
بتهزنى
ويدور ف قلبى ميت سؤال
يا هل ترى يا قلوبنا احنا محتاجين
حبات كتيره من المطر
تغسل قلوبنا المتربه
شوف قد ايه متعذبه
عماله تصرخ ف الضمير
مين اللى فينا غيّبه
نزل المطر
وطفى نار الظلم من قلب الحياه
لما المطر ينزل اكيد
فيه الف ايد مستنياه
يظهر معاه امل جديد
ويعود لجو الكون صفاه
يرقص تراب الارض ويغنى نشيد
معزوف على خضرة رباه
فوق السنابل والعيدان غنوة امل
فرحانه بزوال الخطر
نشوانه بنزول المطر
لوحه بديعه صنعها ربى
اهداها للكون والبشر
موضوع: حبات كتيرة من المطر 
الخميس 29 مايو 2008, 4:47 pm
