منديلها ابو أوية ..
دلوعة بيتعاجب ..
و يدلع الحاجب ..
رائع و متدندش ..
بيقول لها هاتى ..
من القورة كام حتة ..
جرتنى وياها ..
اتمنى فى رضاها ..
الحسن دا يهوس ..
حاجة كده بتروش .
المشهد الثانى
على قدها مالت ..
غمزت لى بعنيها ..
اسمعنى يا إنت ..
عاشق لمنديلى ..
و تقوللى تعاليلى ..
طب بص لملايتى ..
نازلة على كتفى ..
و مغطيا سدرى ..
ملفوفة فوق خصرى ..
حتقوللى يا وعدى .
يا لهوى يا حومتى ..
لو ترضى يا سعدى .
المشهد الثالث
الحلو فى البلدى ..
فى الذوق و فى الملبس ..
و حديت لذيذ بلدى ..
حاجة صحيح تهوس ..
و الخطوة فى البلدى ..
رقصة بتـدّرّس ..
بتدب بكعوبها ..
مزيكة يا عينى ..
الودن تسمعها ..
معزوفة بتشجينى ..
لو شفت هزتها ..
حتقول دى سابرينا ..
مكياجها ربانى ..
دى نفسها زينة ..
أو عطرها البلدى ..
بيرّقص المناخير ..
حاسب على نفسك ..
لا تروح بدون تأخير ..
روحى أنا ف بلدى ..
و جمال بنات بلدى ..
عقلى ما عاد عندى ..
سحرُه الهوى البلدى .
المشهد الرابع
حوّدت على قهوة.
جا لى ولد جرسون ..
شكله كده ملعون ..
- " فنجان معاه شيشة " ..
- " عمرانة بحشيشة " ؟ ..
- " لا يا ولد حاشا "..
- " ليه بسّى يا باشا ؟ ..
تلقى المزاج بيها ..
ملعونة بلاويها ..
الدنيا و ما فيها " ..
- " يا ابنى أنا سكران ..
كاسى و كان مليان ..
فضّيتـه فى قلبى ..
أصل الهوى فاض بى " ...
المشهد الخامس
- " البنت بلطيـة ؟؟؟؟؟؟؟؟؟؟؟؟!
يا نهار أبوك اسود !!
- " ليه يعنى .. إيه هيـّه ؟!
- " امشى و لا تحـّود ..
ما تروحشى فى داهية ..
دا بنت ابو كرشة ..
جبار و لا بيرحم ..
أخلاقه كتير وحشة ..
ينزل على دماغك ..
يفلقها بالشومة ..
و تنط فى كرشك ..
سكينة أو مطوة ..
يللا قوام امشى ..
لا شيشة و لا قهوة ..
لا يطب على سهوة ".
المشهد السادس
و خرجت م الحارة ..
بالحسرة يا خسارة ..
مليان كتير بالغم ..
مالي انا يا عم ..
و بلاها بلطية ..
ابعد تكون أسلم ..
دوّر على غيرها ..
أسماك كتير فى اليم .
موضوع: جمال بنت البلد 
الخميس 29 مايو 2008, 7:33 pm
