فاشل ؟؟؟؟؟؟؟؟؟؟؟؟؟؟؟؟؟

هل أنت فاشل ؟

ضرب البلطجى باب المقهى برجلة فوقف جميع رواد المقهى خوفا من البلطجى إلاشاب كان يجلس وهو شارد الذهن ينظر الى كوب الشاى الذى امامه
فاتجه اليه البلطجى واخذ كوب الشاى من امام الشاب وشربه مرة واحدة ثم القى الكوب فارغا وقال للشاب ادفع انت بقة ثمن الشاى
بكى الشاب بكاء مريرا
البلطجى:بتعيط عشان خمسين قرش وعامل لى راجل
الشاب:انا بعيط عشان ماليش بخت فى الدنيا دى كل ماروح شغلانه افشل فيها ويطردنى صاحب الشغل
اشتغلت قهوجى وقعت الشاى والطلبات على الزباين اشتغلت مكوجى حرقت هدوم الزباين اشتغلت محاسب فى شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسى ورجعت ماشى
بصراحة انا انسان فاشل فى كل حاجة اعملها
البلطجى : ياة دا انت فاشل خالص
الشاب امال لوعرفت اللى حصل الشهر اللى فات كنت رايح شغلانه جديدة فصحيت الصبح متأخر فنزلت بسرعه وركبت عربية جارنا اللى حاططها قدام البيت ورحت الشغل برضة متاخر
فطردنى صاحب الشغل لاستهتارى بمواعيد العمل فخرجت من الشركة فاكتشفت ان حرامى سرق العربيه
فاتهمنى جارنا بسرقة العربيه وقبضوا علية واتسجنت6 شهور ولسه خارج النهاردة
حتى الانتحار فشلت فيه

البلطجى ازاى؟

الشاب : رحت للبقال واشتريت منه اقوى سم قاتل وجيت القهوة وحطيت السم فى الشاى عشان اشربه اموت واخلص من حياتى فجيت انته وشربت الشاى بتاعى اللى فية السم

طيب والله روعه بس - والقافيه تحكم - ماحدش بيشتري السم من البقال وإلا كانت تبقى مصيبه

ههههههههههههههههه
وهو في بقال بيبيع سم برضوا يا عم جورج
ههههههههههههههه

هههههههههههههههه حتى بالموت قلة الحظ

جورج ، بتؤمن بالحظ ؟! / سؤال عابر

هههههههههههههههههه
متنساش اصل عقد الشقة؟

ياستر على دى حظ بيتهيئلى الشاب دى حظة وحش

قلائل يملكون هذه الروح الجميلة وهم يكتبون رائع
حين ألقاك ذات يوم سأهديك شيء ما لاأعرف ماهو الان كل ما أعرفه ان الهدية ستكون نوع من الشكر
لاني قرأت الان ماكتبته أنت لأنثى كانت زعلانة مني وقد فرحت وضحكت ملء الدنيا أه لو أستطيع أن أكتب صوت ضحكتها هنا لأدر ياصديقي كم أنا ممتن لك
مودتي