شكوى

ستى بتحب من الدنيا حاجتين النشوق و سماع الشعر ، و لان ستى خضره مبحره قوى فى الشعر ولها مربعات شديده ، شيلت قصيدة ضحى على ايدى شلتها بنفس طريقة شيل العيال الصغيره اللى بنخاف نيشلهم لإيدنا تكون قاسيه عليهم و إشتريت باكو نشوق و رحت قريلها القصيده . سحبت سحبة نشوق وعطست عطسه جامده وقالت كده فقت . سألتها إيه رأيك يا ست فى قصيدة ضحى ، قالتلى ضحى زى خالتك عيشه خبازه بتعرف تلت عجين اللغه كويس بس هو الخبيز لت بس و لا لازم يبقى فى أخر الخبيز رغيف سخن فى إيدى أعرف أكله . هى بتقول "لجرح فى دمى " هو الدم بينجرح يا وله و لا بيخرج من الجرح اهى ضحى كده سارقها لت اللغه من غير رغفان شعر .