قصيده بيض الحبل \ للشاعر الكبير عبد الرحمن الابنودي

[b][color=#000000]تنتظر فيهم يموتوا ما بيموتوش

هتموت الحملان و تفضل الوحوش

الوحوش ما بيزعلوش ما بيتعبوش واقعيون عمرهم ما بيحلموش

مهما نصرخ من ألم ما بيسمعوش ما بيرحموش لأنهم ما بيشوفوش

ما بيعرفوش حتى إحنا مين

ما بيميزوش أكتر من اللى بتسمعوا القروش

الدنيا وسعت ضاقت الأدوار

ضقنا بحكمائنا الكبار

أقوام من الأسفار

جنود العار

ملّينا أطفالنا الصغار

أحياء يموتوا الأصدقاء
باردين

اللحم يرجع من جديد للطين

هذا الزمان لصفوة الصامتين

هذا المكان بيكره العارفين

و لا فيش غرق فى البر ما غرقتوش

كل الأغانى مقطعة الاوتار

هذا المكان بيكره العارفين و يعذب الاخيار و ما يجلب إلا سىء الاخبار

كل الخُطى للخلف كل الخُطى للحتف كل الامان اقطار كل الخُطى للعار

للحق سيف تالم لا ناجى و لا سالم

الجاهل العالم و الجاهل الحاكم و الظالم العادل و العادل الظالم

سور يكره الاحجار إذا على ينهار

الشمس بتموت فوق و الدنيا ميت حلمها بــ نهار

كأنه ليل فى عتمته تاه كل حد فى حد

كأنه ظل نقصره يتمد

زحف الجذام من الجبين للخد و العدوى ترفس دار و تحضن دار

وجوه بتمضى على عجل

راكبه الجماجم على البدل
[/color][/b][b][color=#000000]و أبو كرش كنز القرش
لا خايف و لا محتار
أبو كرش بيتاجر فى دمعتنا و خيبة الأمل
أبو كرش بيتاجر فى تعاستنا و فى بيض الحبل
كداب و غاوى النومة فى ظل العروش
و ننتظر فيهم يموتوا ما بيموتوش
هتموت الحملان و تفضل الوحوش[/color][/b]

[b]
[/b]

الأستاذ / هاني عفيفي
جميلة فعلا
فشكرا لك على الاختيار
مودتى

المبدعه ضحي بوترعه
اشكر كلماتك الرقيقه

الاستاذ شريف
اشكر مرورك